ПРЕКУМЕРНОТО ПОТЕЊЕ Е ОСНОВА ЗА ПОЈАВА НА ГАБИЧНИ ИНФЕКЦИИ НА СТАПАЛАТА

Прекумерното потење на стапалата се нарекува хиперхидроза. Таа состојба е почеста кај мажите отколку кај жените и почеста кај младите отколку кај постарите. Потењето е природен начин за ладење на нашето тело. Плантарна хиперхидроза е локализирана на плантарната страна на стoпалото (на дното). Испотени нозе може да доведат до, или да ги влошат проблемите како што се микоза, плантарни брадавици или други кожни состојби. Постојат повеќе од 250.000 потни жлезди во секоја нога . Секоја нога , нормално, произведува половина литар влага дневно. 

Постојат различни причини зошто нашите нозе се потат. Иако оваа состојба најчесто е предизвикана од емоционален стрес или физичка активност, постојат и други причини. Наследноста се вели дека игра улога.

Исто така вашето ниво на токсичност , може да предизвика вашите нозе да се потат. Отровите потекнуваат од храната која ја јадеме, која е богата со заситени масти. Алкохолот е исто така отров. Ако не вежбате често , овие токсини може да се развијат и да предизвикаат потење на вашите нозе како и на другите делови од вашето тело.

Нозете исто така може да се потат поради видот на обувките што ги користите. Одредени обувки – како памучни или најлон чорапи, или чевли направени од пластика или некои кои имаат постава од синтетичка ткаенина спречуваат испарување на потта. Чорапи од најлон како и 100% памучни чорапи може да дејствуваат како сунѓер и да ја задржуваат влагата . Ова ги одржува вашите нозе влажни цело време и доведува до дополнителни проблеми како тинеа педис ( атлетско стапало ) и габи на ноктите. Лечењето на овие инфекции е многу тешко и бавно,особено кај личности со прекумерно потење. Но П.О третманот овозможува и регулирање на потењето и уништување на патогените габички што обезбедува одлични резултати.

ОДЛИЧЕН ТРЕТМАН КАЈ ОНИХОГРИФОЗА НА НОКТИТЕ

Онихомикоза е габична инфекција на ноктите која предизвикува промени во боја, структура и форма на ноктите. Бојата станува жолта и матна, до кафеава и зеленкаста. Структурата е кршлива, задебелена и неправилна. Формата на ноктите често се мнеува поради задебелувањето.

Онихогрифоза се јавува кај 50% од случаите со онихомикоза. Онихогрифозата е состојба кога ноктот ноктот расте побрзо на едната страна отколку на другата. Честото име на овој проблем е *овенски рог* поради тоа што ноктите задебелуваат и закривуваат како рог од овен.
Таквата промена предизвикува враснување на ноктите, што ја комплицира веќе постоечката габична инфекција.

Кај пациентот нашите доктори одлучија да изведат првично механичко хемиска абразија за да ја нормализираат формата на ноктот и да обезбедат полесно лекување на габичната инфекција. Со абразијата се овозможи и удобност на пациентот во обувките и при движење. Потоа продолжи третман со Питиум Олигандрум облоги , кои помагаат не само во лечење на ноктот туку и во нормализирање на неговата форма и структура.

За само три месеци се забележуваа значителни резултати но терапијата ќе продолжи до комплетно излекување.

4 КЛУЧНИ НУТРИТИЕНТИ ЗА ЗДРАВИ НОКТИ

Здравјето и изгледот на ноктите зависи од многу фактори, почнувајќи од генетика, преку здравствени состојби и заболувања па до исхрана и адекватна нега. Значи не е само генетиката таа што одредува какви нокти ќе имаме. Нашиот животен стил и исхраната играат голема улога врз нашето целокупно здравје, кое пак се рефлектира на ноктите. Со внесување на соодветни хранливи материи можеме значително да им помогнеме на нашите нокти.
Постојат четири клучни нутритиенти кои можат да придонесат вашите нокти да бидат појаки, подолги и поздрави.

1. Протеини – ноктите се изградени од кератин, кој е всушност протеин, поради што многу е важно да се внесува храна богата со протеини, за да се одржат ноктите здрави. Ако јадете месо, јајца или друга храна богата со протеини, тогаш нетреба да се грижите, доколу не јадете месо или сте вегетаријанец, тогаш во вашата исхрана додадете ги продуктите како што се: гравот и киноата.
2. Цинк – недостаток на цинк може да биде причина за успорен раст на ноктите, слаби нокти и бели дамки врз ноктната плоча. Доколку имате вакви симптоми би требале повеќе да внесувате храна богата со цинк како што се: остригите, семките од тиква, сусам, јагнешко и телешко месо.
3. Железо – ако вашите нокти се тенки, искривени, вдлабнати во средината, тоа е знак за анемија или недостаток на железо. Во тој случај внесувајте повеке црвено месо, спањак, школки.
4. Биотин – помага за раст на здрави нокти, помага во метаболизмот на телото. Најдобро е биотинот да се внесува преку суплементи, или пак со храна како што се: јајцата, лососот и житарките

Подобрете го внесот на овие хранливи материи во исхраната и Вашите нокти ќе бидат поздрави и поцврсти. А дополнително аплицирајте Аркада серум со колаген кој ќе ја подобри структурата и сјајот на ноктите.

ПОВТОРУВАЧКА ОНИХОМИКОЗА МОЖЕ ДА Е ЗНАК НА НЕИЗЛЕЧЕНО АТЛЕТСКО СТОПАЛО

ПРАШАЊЕ ОД ПАЦИЕНТ :

Имам габична инфекција на палецот и на четвртиот прст на стопалото веќе неколку години. Мислам дека прво почна на четвртиот прст. Користев лак проти габична инфекција кој навистина ми помогна. Но откако престанав да користам, инфекцијата пак се врати. Пак пробав со истиот лак и пак после прекинот инфекцијата се врати. Забележувам и дека кожата помеѓу четвртиот и петиот прст почнува да ми се лупи пред да ми се врати инфекцијата на прстите. Освен лупење чувствувам и чешање на кожата. Каде грешам во третманот?

ОДГОВОР ОД ДОКТОР :

Габичната инфекција на ноктите многу лесно се добива. Еден од најчестите патишта за добивање на габична инфекција на ноктите е со ширење на габичната инфкеција од кожата на ноктите. Атлетско стопало е габична инфкеција на кожата на стопалата. Најчесто се јавува меѓу прстите, особено четвртиот и петиот прст па потоа се шири на целото стопало и на ноктите. Првин почнува со шешање, па се јавува црвенило и лупење на кожата. Ако инфекцијата се влошува, кожата пука и стануваболна и непријатна. Често од кожата оваа инфекција се пренесува на ноктот од четвртио прст, па потоа преминува на палецот, преку пренесување со инструментите за нега на ноктите.

Симптомите на атлетско стопало може да се смират во тек на лето, иакоинфекцијата обично не е излечена. И пак се влошува кога ќе се создадат поволни услови а тоа како напр. топла и влажна средина. Спортски активности кои се проследени си потење на стопалото често ја поттикнуваат повторно инфекцијата.
И покрај тоа што ја лечите габичната инфкеција на ноктите, не сте ја излечиле габилната инфекција на стопалото. Поради тоа проблемот со ноктите се повторува.

Затоа нашиот пристап во лечењето е сеопфатен. Питиум Олигандрум третманот, има посебен начин на апликација и делува на истовремено лечење и на ноктите и на стопалото. На тој начин добиваме симултан третман и радикално лекување на габичната инфкеција, што ја елиминира можноста за повторување на инфекцијата. Со советите за понатамошна нега на стопалото, се овозможува превенција и спречување на повторно добивање на инфекцијата од други извори.

СО АРКАДА ДО ПРАВИЛНО ИЗРАСНУВАЊЕ НА НОКТОТ

Враснувањето на ноктот е состојба која често се повторува кај пациенти чија форма на ноктот предиспонира враснување. Самиот пациент лесно ги препознава симптомите на враснување кои се манифестираат како болка, црвенило, оток. Секако дека отстранувње на делот од ноктот кој враснува е логична постапка и многу пациенти и самите си го исекуваат ноктот.

Но за жал исекувањетот го решава првичниот акутен проблем и обезбедува смирување на воспалението. Но како што ноктот расте и добива должина, враснувањето пак се повторува.
Затоа е неопходно после смирување на болната. инфламаторна фаза, да се испланира втора фаза во третманот која ке оибезбеди правилно изникнување на ноктот. Зависно од степенот на враснување може да се применат едноставни методи како тампонада со адекватен материјал или аркада метода со комплетно ремоделирање на ноктот.
Кај нашиот пациент се одлучивме за аркада третман поради комплексноста на сличајот. Специјалната акрилна маса со која е моделиран ноктот му дава правец на раст и обезбедува насочено израснување на ноктот до добивање на полна должина и правилна форма.

ГАБИЧНА ИНФЕКЦИЈА ПОСЛЕ ВЕШТАЧКИ НОКТИ СЕ ЛЕКУВА УСПЕШНО

ПРАШАЊЕ ОД ПАЦИЕНТ :

Преку летото имав вештачки нокти на прстите од стопалото, кои навистина изгледаа преубаво. Ама не правев никакви корекции на ноктите во тек на летото и пред месец-два ми ги извади козметичарката. Забележав дека ноктот на едниот палец е малку подигнат од основата и бојата му е жолта а на некои места темна. Се сеќавам дека и го удрив малку ноктот. Дури и задебелување на ноктот е приметливо. Мислев дека за неколку месеци ќе се подобри состојбата, ама напротив, се влошува. Ве молам за совет.

ОДГОВОР ОД ДОКТОР :

Иако самата постапка на ставање на вештачки нокти, го оштетува ноктот, сепак ако оштетувањето е површинско, ноктот после неколку месеци се регенерира.
Во вашиот случај нема спонтано подобрување затоа што веројатно се развила габична инфекција на ноктот.

Габичната инфекција најчесто продира под ноктот, и напредува кон коренот на ноктот и дистално. Кога сте го удриле ноктот, сигурно дошло до одлепување на ноктот од неговото лежиште. Врската меќу акрилот/гелот и ноктот е многу посилна од врската меѓу ноктот и неговата основа, поради што при траума, вештачкиот нокт не испаѓа туку се одлепува прирдониот нокт. Тоа создава идеални услови под ноктот дапочне да се развиваат дерматофитите и да предизвикаат габична инфекција на ноктот. Онихомикозата се манифестира типично со промена во боја и структура на ноктот, значи ноктот станува жолт, задебелен и крт.

Добро е што сте ја забележале промената на време, затоа што колку порано почнеме со третман толку побрзо ќе се излечи инфкецијата. Ноктот обично се подготвува со механичко хемиска абразија за да се отстрани најголемиот делод заболениот нокт. Потоа се продложува со лечење со Питиум Олигандрум (П.0) производите кои даваат брзи и одлични резултати. За 6-9 месеци кај почетни стадиуми на габична инфекција може да постигнеме комплетно излекување. Во текот на третманот, не смее да се користат лакови или гел надградби на ноктите.

ПОСЛЕ П.О ТРЕТМАНОТ, ЗДРАВИ И НОРМАЛНИ НОКТИ ПО СТРУКТУРА И ИЗГЛЕД

Габичната инфекција е предизвикана од три вида на микроорганизми кои ги напаѓаат кожата, ноктите и косата, најчесто дерматофити, па потоа кандида и недерматофити. Овие габички се хранат од кожата, ноктите и косата. Најчесто има оштетување на ноктот или кожата за да габичките продрат во ткивото и почнат да се размонжуваат.

Ноктот станува задебелен и обоен; може да пожолти, да стане кафеав, портокалов или бела. Ноктите исто така стануваат кршливи се дробат, трошат. Во некои случаи остатоци се собираат под ноктот и имаат непријатен мирис.
Иако некои на габичната инфекција гледаат само како на козметички проблем во основа е многу посериозен и мора да се третира инаку ќе се прошири и трајно ќе го оштети ноктот.

За само 5 месеци третман со П.О ноктот кај нашиот пациент е здрав, со нормална боја и структира и секако без непријтен мирис. Питиум Олигандрум ги убива патогените габички и обезбедува раст на здрав и нормален нокт без никакви несакани ефекти по пациентот.

И ДОБРИ ДОМАЌИНКИ И ЗДРАВИ НОКТИ

Хемикалиите ги афектираат ноктите на различни начини, а нивното влијание зависи и од типот на хемикалиите и од општото здравје на ноктите па и целиот организам.

Средствата за одржување во домот, па дури и детергентот за миење садови имаат високо продорно дејство за да ги разложат и најтврдокорните маснотии и дамки. Ова дејство се одразува и на Вашите нокти , и доколку не се користи соодветна заштита првенствено настанува дехидратација на ноктите и кршливост а понатаму и посериозни последици.

Дури и средствата за чистење на подовите истотака имаат тенденција да ги извлекуваат природните маснотии од ноктите и кожата па затоа секогаш при употреба на вакви средства користете гумени ракавици како бариера.

Ве советуваме после употребата на било какво средство за чистење во домот посебно ако не носите заштитни ракавици, секогаш рацете да ги измиете убаво со млака вода а потоа да нанесете соодветна хидратантна крема на целите дланки, и хидратантно масло на ноктите и кутикулите.

Аркада серумот е вистински производ за прва помош на оштетени нокти и кутикули кој поради високата концентрација на колаген дава регенерација за само 7 дена.

КОМБИНИРАН ТРЕТМАН НА ВРАСНАТИ НОКТИ ЗА ЦЕЛОСЕН УСПЕХ

Формата на ноктот често може да биде предиспозиција за повторување на враснувањето на ноктите, особено кај млади личности, кои спортуваат и имаат динамично темпо на живот.
Потењето на стопалата и последователното омекнување и пукање на ноктот уште повеќе допринесуваат за влошување на враснувањето со продлабочување на инфекцијата и интензивни болки.

Поради силната болка и акутното влошување на враснувањето кое трае неколку месеци, нашите доктори одлучија првин да изведат спикулектомија. Со тој метод се обезбедува, брзо олеснување на болката поради отстранување на спикулата на ноктот која прави најголемо оштетување. После смирување на инфкецијата е изведен Аркада третман за да се коригира формата на ноктот.
Со тоа се обезбеди комплетно излекување на враснувањето.

Но поради формата на ноктот,пациентот и понатаму доаѓа на редовни контроли за да се спречи повторна појава на враснување.

ЗА ЗДРАВИ НОКТИ И СТАПАЛА ВО ЕСЕН

Како што деновите стануваат се постудени, важно е навремено да се започне со соодветната грижа за убави и здрави нокти во овој период. Поладното време надвор во комбинација со топлината во нашиот дом може да предизвика кршливост и сувост на ноктите.  А стопалата да станат груби и распукани.

За да Вашите нокти спремни го дочекаат есенскиот период најпрво доколку сте во можност изоставете го лакот за нокти неколку дена. За да можат ноктите да дишат и редовно користете добра крема или масло за кутикули во комбинација со крема за раце. Секогаш убаво масирајте ги целите нокти, не само кутикулите и рацете. На тој начин ќе овозможите редовна хидратација. После туширање апсорбцијата на активните состојки од кремите и маслата е поголема а кутикулите помеки. Па тоа би било идеален период во денот да одвоите уште малку време за себе.

Обезбедете им на Вашите стапала доволна хидратација. Во есенскиот период за нега на стапалата се препорачуваат креми на база на масла.
Барем еднаш неделно ексфолирајте ја мртвата кожа од стапалата. Разгалете ги Вашите стапала со топли купки.

Одберете соодветни есенски обувки. Топлите обувки кои истовремено овозможуваат добар проток на воздух се многу важни во превенцијата на габични инфекции. Исто така, намалените температури надвор влијаат на циркулацијата на целото тело. Па се препорачува носење на покомотни обувки, за одржување на добра циркулација на стапалата.

И секако, не заборавајте дека здравиот начин на живот е основа за здравје на целиот организам. Па искористете ги преостанатите сончеви денови за прошетки, а од чистиот воздух, сончевите зраци и физичката активност секако ке имаат бенефит и Вашите нокти и стопала!

СИНДРОМ НА ЖОЛТИ НОКТИ ИЛИ ГАБИЧНА ИНФЕКЦИЈА?

Бојата и здравје на ноктите се одраз на целокупното здравје. Здравите нокти се мазни, сјајни, без бразди, со нормална провидност и бледорозеви по боја. Ноктите стануваат жолти од повеќе причини.

Жолти нокти се карактеристични за габична инфекција на ноктите, или онихомикоза. Дерматофити и квасници се двете врсти микроорганизми кои се одговорни за фунгалната инфкеција а ноктите на стопалата се особен предиспонирани за габична инфекција поради што се шесто во обувки кои обезбедуваат темна топла влажна средина,иделана за развој на габичките. Освен бојата се менува и целата структура на ноктот

Синдром на жолти нокти се манифестира со пожолтување и задебелување на ноктите како и сепарација од лежиштето на ноктот. Се сретнуваат кај лишности со одредена медцинкса состојба, како хроничен синуси или бронхиектазии,реуматоиден артритис и состојби кои го афектираат имуниот систем. Најголем дел од луѓето во средни години имаат синдром на жолти нокти. Дури и ако се истретира основната медицинска состојба ноктите остануваат жолти.

Честа причина за жолти нокти се и темните лакови за нокти. За да не се јави пожолтување, аплицирајте база пред да го нанесете лакот.

Ако забележите нагли промени во бојата формата или структурата на ноктите, обратете се на докторите специјалисти во 101 Foot Clinic за совет и информации.

П.О ТРЕТМАН НЕ СЕ АПЛИЦИРА СЕКОЈ ДЕН, А ЕФЕКТИВНО ЈА ЛЕЧИ ГАБИЧНАТА ИНФЕKЦИЈА

Габичните инфекции на ноктите се многу упорни и тешки за лечење. Често пациентите со месеци користат разни производи, но без некое видливо подобрување.
Но само адекватна подготовка на ноктот и адекватен производ може да дадат резултати.
После прирпемата на ноктот со механичко-хемиска абразија, пациентката почна со третман со П.О производ. П.О производите се биолошки призвои кои имаат Питиум Олигандрум, како активна состојка. Питиум Олигандрум е паметна габичка која ги уништува патогените габи во ноктот и обезбедува раст на здрав нокт.

Третманот е едноставен и лесен за користење и не бара секојдневна апликација што за пациентите е големо олеснување. Растворот во форма на облоги се аплицира на секои две недели, а неговата активна компонента делува во меѓувреме.

ЕСЕНСКИ ЕЛИКСИР ЗА ЗДРАВЈЕТО НА НОКТИТЕ

Еден од плодовите на есента , кој несомнено е вистински еликсир за целото тело, е калинката чии бенефити со поновите истражувања особено се потенцираат за здравје на косата, кожата и ноктите.

И покрај тоа што клучно за здрави нокти и општо за здравје на целиот организам е начинот на исхрана доколку не сте љубител на калинката како плод, маслото од семки од калинка е одлична солуција за нега на ноктите и кутикулите како истите би ги искористиле максимално нејзините нутриенти.

Семките од калинката се особено богати со витамини од Б групата, калиум, магнезиум и калциум неопходни за здрави нокти и коса. Витаминот Ц кој овој плод го содржи во изобилство е неопходен за регенерација на сврзното ткиво како и правилна циркулација во пределот на ноктите и кутикулите. Друг елемент со кој истотака е богата калинката а е есенцијален за здрави нокти е цинкот. Организмот има потреба од стабилни нивоа на цинк , за првилна делба и раст на клетките, па ако сакате здрави, долги и некршливи нокти редовниот внес на цинк е неоходен. Дефицитот на цинк истотака предизвикува и појава на бели дамки на ноктите. Маслото од семки од калинка содржи и полифеноли кои имаат антиинфламаторни својства , па покрај хранливата улога има и заштитна улога за Вашите нокти.

Без разлика дали ќе се одлучите за свеж сок од калинка или масажа со неколку капки масло од семки од калинка, потрудете се оваа есен овој плод да биде неизоставен дел од грижата за Вашите нокти!

РЕЗУЛТАТИ КОИ ВООДУШЕВУВААТ СО АРКАДА МЕТОДОТ НА ЛЕЧЕЊЕ

Постојат различни методи кои можат да се применат во решавање на проблемот со враснати нокти зависно од комплексноста на случајот. Kога враснувањето трае долго време, се јавува хронично воспаление кое резултира со формирање на гранулом околу спикулата од ноктот. Тие случаи често завршуваа со хируршко вадење на ноктот.

Но сега постои нов пристап кој дава воодушевувачки резултати. Лечењето во таков случај е комплексно и бара неколку пати да се повтори третманот. Но вреди да се биде стрплив.

Аркада методот преку користење на специјален медицински апарат наречен Аркада коцка, овозможува да се стабилизира палецот за да со специјални инструменти нежно и безболно се подигнат ивиците на ноктот и да се исправи нокотната плоча а со акрилнаат маса да се стабилириза и зацврсти ноктот во правилна исправена состојба.

Исправувањето на ноктот моментално ја олеснува болката и обезбедува натамошен правилен раст на ноктот.

НЕПРАВИЛНО СЕЧЕЊЕ РЕЗУЛТИРА СО ВРАСНУВАЊЕ НА НОКТОТ


Причините за враснување на ноктите може да бидат различни, почнувајќи од наједноставно неправилно сечење на нокотот, носење тесни обувки, високи потпетици, при што се врши притисок на палецот. Меѓутоа, има и случаи во кои генетиката или формата на нокотот е неправилна, односно генетски детерминирана и тоа се малку покомпликувани случаи.

Кај неправилно и длабоко сечење на ноктот, останува врв од ноктот длабоко во латералниот превој на ноктот. Тој врв ја оштетува кожата и околното ткиво и предизвикува инфекција и воспаление на мекото ткиво. Местото околу ноктот станува осетливо и болно а движењето отежнато.

Со Аркада пристапот во лечењето се овозможува врвот од ноктот да израсне правилно а мекото ткиво да заздрави нормално за само неколку месеци.
Ако чувствувате болка во палецот на стопалото и се сомневате на враснување, не сечете го ноктот сами, туку обратете се на нашите доктори во 101 Foot Clinic.

АДЕКВАТНА ХИГИЕНА Е НЕОПХОДНА ЗА ЗДРАВИ НОКТИ

Хигиената и правилната нега на телото, се важен фактор кој влијае на здравјето на целиот организам. Хигиената на ноктите е од витално значење не само за здравјето на ноктите туку и на целото стапало.
Многу често пациентите грешат во однос на хигиената на стапалата и ноктите сметајќи дека редовните купки се доволни за одржување на здрави и чисти нокти, меѓутоа во хигиената на ноктите треба да обрнете внимание на повеќе фактори.

* Дел од нечистотијата под ноктите многу често знае да заостане доколку убаво не се исчисти после купката и да предизвика воспаление на околното ткиво кое понатаму може да резултира со враснување на ноктот.
* Честото потење на стапалата може истотака да влијае на зголемување на нечистотијата под ноктите , па доколку се соочувате со ваков проблем се препорачува секојдневно миење на стапалата и често менување на чорапи.
При капење или купка, секогаш користете и четка за стапала за да ги отстраните мртвите клетки од стапалата и ноктите, и памучно или дрвено стапче за отстранување на нечистотијата под ноктите.
* Потоа убаво избришете ги стапалата со сува крпа, вклучително и просторот меѓу прстите, ноктите и кутикулите, бидејќи влажната средина е особено погодна за развој на габички.

Покрај редовната хигиена за здрави нокти и стапала важно е и редовното следење на нивната состојба па за секоја промена , консултирајте се со стручно лице , бидејќи иако најчесто занемарени, стапалата се тие кои не одржуваат активни во текот на целиот ден.

ЗОШТО СЕ ЈАВУВААТ БРАЗДИ НА НОКТИТЕ?

ПРАШАЊЕ ОД ПАЦИЕНТ : Имам 35 години и забележувам бразди на ноктите ама хоризонтални и прилично длабоки. Не е зафатен само еден нокт туку повеќе а бојата на ноктите е нормална. Прв пат во животот ми се јавува ваква промена и сум уплашен. Ноктите секогаш ми биле мазни и здрави. Имав прилично стресен период пред 3-4 месеци па не знам дали тоа може да влијае.

ОДГОВОР ОД ДОКТОР : Браздите и нерамнините на ноктот кои се хоризонтално поставени, Beau линии, се јавуваат како резултат на шок на матичните клетки кои го произведуваат нокотниот материјал. Кога матичните клетки ќе јепрекинат својата работа,едноставно не се формира нотк и сепојавува хоризонтален дефект на ноктот. Причините се најчесто стресни ситуации кко тешко заболување, оперативни зафати, лоша исхрана но и теска психолошка траума како смртен сличај, развод или друг емотивен стрес. Линиите се забележуваат 3-6 месеци после стресниот момент, откако ноктот ќе продолжи да расте. Beau браздите не се опасни и ноктот ќе продолжи да расте нормално.Но проверете ја крвната слика особено шеќерот како и периферната циркулација.
Советувам исхрана богата со протеини и витамини за да го помогнете формирањето на здрав нокт. За естетиката на ноктот, Аркада методот е одличен избор затоа што овозможува ремоделирање на нокотната плоча и го спречува кршењето на ноктот.

РЕЗУЛТАТИ ПОСЛЕ САМО ДВА МЕСЕЦИ ОД ЛЕЧЕЊЕ СО П.О ТРЕТМАНОТ

Габичната инфекција на ноктите од тип на дистална латерална субунгвална онихомикоза ( ДЛСО ) се манифестира со хипертрофија на ноктната плоча (задебелување), задебелување и на лежиштето на ноктот, жолта боја на ноктот и одлепување на ноктот од основата.

Кај нашата пациентка габичната инфекција трае неколку години и не била третирана претходно.
Нашите доктори предложија задолжителна подготовка на ноктот со хемиско-механичка абразија со што ќе се обезбеди отстранување на најголемделод инфицираниот нокт.ќе се обезбеди оптимално делување на производот и ќе се подобри естетиката на ноктот.

После абразијата пациентката почна со Питиум Олигандрум третман за лечење на инфекцијата. П.О третманот ги уништува патогените габички и како природен производ делува на подобра функција на матриксот на ноктот.
За само два месеци од почетокот на третманот се заблежуваат првите резултати а ноктот изгледа здраво и многу подобро. Третманот продолжува до постигнување на комплетни резултати.

ПОМОГНЕТЕ СИ, НО НЕ ПАЃАЈТЕ ВО ИСКУШЕНИЕ САМИ ДА СИ ГО ИСЕЧЕТЕ НОКТОТ

ПРАШАЊЕ ОД ПАЦИЕНТ : Има враснување на ноктите кое често ми се повторува особено откако ќе почнам да носам чевли во есен. Има многу препораки на интернет како сама да си помогнам и искрено некои методи пробав. Купките малку ми ја олеснуваат болката ама само привремено. Дали можам јас нешто да направам за да ја спречам или барем ублажам оваа состојба?

ОДГОВОР ОД ДОКТОР :

Враснувањето на ноктите е комплексен проблем кој може да биде причинет од повеќе фактори како тесни обувки, неправилно сечење на ноктите, повреда, положба на стоење и одење , хигиена на ноктите, а секако голема улога игра и наследниот фактор.

Секако доколку имате предиспозиции или веќе сте имале ваков проблем она што вие можете да го направите се редовни купки со топла вода на стапалата , што веќе сте го пробале. Но после купката нежно со памучно стапче турнете ја кожата околу ноктот. Честото и многу кратко сечење на ноктите истотака може да предизвика нивно враснување при растот па затоа одржувајте ги на некоја оптимална должина со помош на турпија. Носете обувки кои оставаат доволно простор на ноктите, а истовремено дозволуваат стапалата да дишат бидејќи и потењето на стапалата може да направи деформации на ноктите.

Доколку веќе настане состојба на враснување после миење на стапалото со топла вода и сапун , и убаво сушење со сува крпа пробајте во просторот меѓу ноктната плоча и кожата да вметнете мало парче газа или вата, за да се подигне ноктот. Повторете ја постапката неколку дена и доколку нема подобрување обратете се кај стручно лице, како не би дошло до инфекција или некоја посериозна компликација.

Исто така, ако враснувањето трае долго време и се создала гранулација околу ноктот, домашните методи нема да помогнат многу освен во ублажување на болка. Не паѓајте во искушение сами да си го сечете ноктот затоа што така уште повеќе ќе ја влошите состојбата,
Матодите за лечење на враснати нокти се различни и доктор специјалист во оваа област најдобро и за наккратко време ќе ви го реши проблемот.

ЕСТЕТИКА, НО И ФУНКЦИОНАЛНОСТ ПОСЛЕ АРКАДА ТРЕТМАН

Ноктите се интегрален дел од врвот на прстите. Тие имаат многу функции почнувајќи од заштита на врвот на прстот, придонесуваат за тактилната сензација и помагаат во периферна терморегулација. Поради нивната форма и функционалност, абнормалностите на ноктната единица резултираат не само со естетски туку и со фунционални проблеми.
Промената на формата на ноктот после хронични габични инфекции, доведува до промена и на мекото ткиво околу ноктот па дури и целиот врв на прстот. Освен лошиот изглед, пациентите чувствуваат и проблем со функционалноста на прстот.

Со Аркада методот, преку специјален систем на надоградување , ноктот повторно може да ја добие својата форма. Посебните инструменти и техники кои се користат овозможуваат правилна врска меѓу ноктот и Аркада материјалот што овозможува адекватна хигиена и нега на ноктот, а со тоа спречување на бактериски и габични инфкеции.
Со Аркада серумот се одржува здравјето на ноктот и ноктните набори.
Освен естетиката, ноктот е функционален што се одразува и на целокупното здравје и биомеханиката на стопалото.

Page 1 of 212